Pages

Subscribe:

Thursday 31 May 2012

مجھے خبر تھی وہ میرا نہیں پرایا تھا


مکمل تحریر اور تبصرے >>

آرزو راہبہ ہے بے کس و تنہا و حزیں Aarzoo rahba hai umer guzari jis ney

آرزو راہبہ ہے، عمر گزاری جس نے
انہی محروم ازل راہبوں، معبد کے نگہبانوں میں
ان مہ و سال یک آہنگ کے ایوانوں میں
کیسے معبد پہ ہے تاریکی کا سایہ بھاری
روئے معبود سے ہیں خون کے دھارے جاری
راہبہ رات کو معبد سے نکل آتی ہے
جھلملاتی ہوئی اک شمع لیے
لڑکھڑاتی ہوئی، فرش و در و دیوار سے ٹکراتی ہوئی
دل میں کہتی ہے کہ اس شمع کی لو ہی شاید
دور معبد سے بہت دور چمکتے ہوئے انوار کی تمثیل بنے
آنے والی سحرِ نو یہی قندیل بنے
آرزو راہبہ ہے بے کس و تنہا و حزیں
ہاں مگر راہبوں کو اس کی خبر ہو کیونکر
خود میں کھوئے ہوئے، سہمے ہوئے، سرگوشی سے ڈرتے ہوئے
راہبوں کو یہ خبر ہو کیونکر
کس لیے راہبہ ہے بےکس و تنہا و حزیں
راہب استادہ ہیں مرمر کی سلوں کے مانند
بے کراں عجز کی جاں سوختہ ویرانی میں
جس میں اُگتے نہیں دل سوزی انساں کے گلاب
راہبہ شمع لیے پھرتی ہے
یہ سمجھتی ہے کہ اس سے درِ معبد پہ کبھی
گھاس پر اوس جھلک اٹھے گی
سنگریزوں پہ کوئی چاپ سنائی دے گی
مکمل تحریر اور تبصرے >>

پا شکستہ سربریدہ خواب Pa shakasta sar bureeda khwaab

شہر کے گوشوں میں ہیں بکھرے ھوئے
پا شکستہ سر بریدہ خواب
جن سے شہر والے بے خبر!
گھومتا ہوں شہر کے گوشوں میں روز و شب
کہ ان کو جمع کر لوں
دل کی بھٹی میں تپاؤں
جس سے چھٹ جائے پرانا میل
ان کے دست و پا پھر سے ابھر آئیں
چمک اٹھیں لب و رخسار و گردن
جیسے نو آراستہ دولھوں کے دل کی حسرتیں
پھر سے ان خوابوں کو سمت رہ ملے!
“خواب لے لو خواب ـــــــــــ ”
صبح ہوتے ہی چوک میں جا کر لگاتا ہوں صدا ـــــــــ
“خواب اصلی ہیں کہ نقلی”
یوں پرکھتے ہیں کہ جیسے ان سے بڑھ کر
خواب داں کوئی نہ ہو!
خواب گر میں بھی نہیں
صورت گر ثانی ہوں بس ـــــــ
ہاں مگر میری معیشت کا سہارا خواب ہیں!
شام ھو جاتی ہے
میں پھر سے لگاتا ہوں صدا ـــــــ
“مفت لے لو مفت، یہ سونے کے خواب ـــــــــ”
“مفت” سن کر اور ڈر جاتے ہیں لوگ
اور چپکے سے سرک جاتے ہیں لوگ ــــــــــ
“دیکھنا یہ “مفت” کہتا ہے
کوئی دھوکا نہ ہو!
ایسا کوئی شعبدہ پنہاں نہ ہو
گھر پہنچ کر ٹوٹ جائیں
یا پگھل جائیں یہ خواب
بھک سے اڑ جائیں کہیں
یا ہم پہ کوئی سحر کر ڈالیں یہ خواب ـــــــــ
جی نہیں کس کام کے؟
ایسے کباڑی کے یہ خواب
ایسے نابینا کباڑی کے یہ خواب!”
رات ہو جاتی ہے
خوابوں کے پلندے سر پہ رکھ کر
منہ بسورے لوٹتا ہوں
رات بھر پھر بڑبڑاتا ہوں
“یہ لے لو خواب ــــــــ”
اور لے لو مجھ سے ان کے دام بھی
خواب لے لو، خواب ــــــــــ
میرے خواب ـــــــــــ
خواب ـــــــــ میرے خواب ـــــــــ
خو ا ا ا ا ب ــــــــــــ
ان کے د ا ا ا ا م بھی ی ی ی ـــــــــــــ”
مکمل تحریر اور تبصرے >>

Wednesday 30 May 2012

آرائشِ خیال بھی ہو دل کشا بھی ہو Aaraish-e-khyaal bhi ho dil kusha bhi ho

آرائشِ خیال بھی ہو دل کشا بھی ہو
وہ درد اب کہاں جسے جی چاہتا بھی ہو
یہ کیا کہ روز ایک سا غم ایک سی امید
اس رنجِ بے خمار کی اب انتہا بھی ہو
یہ کہ ایک طور سے گزرے تمام عمر
جی چاہتا ہے اب کوئی تیرے سوا بھی ہو
ٹوٹے کبھی تو خوابِ شب و روز کا طلسم
اتنے ہجوم میں کوئی چہرہ نیا بھی ہو
دیوانگیء شوق کو یہ دھن ہے کہ ان دِنوں
گھر بھی ہو اور بے درودیوارسا بھی ہو
جز دل کوئی مکان نہیں دہر میں جہاں
رہزن کا خوف بھی نہ رہے درکھلا بھی ہو
ہر ذرہ ایک محملِ عبرت ہے دشت کا
لیکن کسے دکھاوں کوئی دیکھتا بھی ہو
ہر شے پکارتی ہے پس پردہء سکوت
لیکن کسے سناوں کوئی ہم نوا بھی ہو
فرصت میں سن شگفتگیء غنچہ کی صدا
یہ وہ سخن نہیں جو کسی نے کہا بھی ہو
بیٹھا ہے ایک شخص مرے پاس دیر سے
کوئی بھلا سا ہو تو ہمیں دیکھتا بھی ہو
بزم سخن بھی ہو سخنِ گرم کے لیے
طاوس بولتا ہو تو جنگل ہرا بھی ہو
مکمل تحریر اور تبصرے >>

سجنا رے تورے بن جیا مورا ناہیں لاگے


مکمل تحریر اور تبصرے >>

دیار دل کی رات میں چراغ سا جلا گیا (میڈم)


مکمل تحریر اور تبصرے >>

درد اپنا لکھ نہ پائے انگلیاں جلتی رہیں


مکمل تحریر اور تبصرے >>

Tuesday 29 May 2012

میں لوگوں سے ملاقاتوں کے لمحے یاد رکھتا ہوں Mein logoon sey mulaqatoon key lamhay yaad rakhta hoon

میں لوگوں سے ملاقاتوں کے لمحے یاد رکھتا ہوں
میں باتیں بھول بھی جاؤں تو لہجے یاد رکھتا ہوں

سر محفل نگاہیں مجھ پے جن لوگوں کی پڑتی ہیں
نگاہوں کے حوالے سے وہ چہرے یاد رکھتا ہوں

ذرا سا ہٹ کے چلتا ہوں زمانے کی روایت سے
کے جن پے بوجھ میں ڈالو وہ کندھے یاد رکھتا ہوں
مکمل تحریر اور تبصرے >>

بات پھولوں کی سنا کرتے تھے Baat phoolon ki suna kartey they

بات پھولوں کی سنا کرتے تھے
ہم کبھی شعر کہا کرتے تھے

مشعلیں لے کے تمھارے غم کی
ہم اندھیروں میں چلا کرتے تھے

اب کہاں ایسی طبیعت والے
چوٹ کھا کر جو دعا کرتے تھے

ترک احساس محبت مشکل
ہاں مگر اہل وفا کرتے تھے

بکھری بکھری زلفوں والے
قافلے روک لیا کرتے تھے

آج گلشن میں شغف ساغر
شکوے باد صباء سے کرتے تھے
مکمل تحریر اور تبصرے >>

میری آنکھوں میں امنڈ آیا ہے دریا دل کا Meri Aankhoon mein umand aaya hai darya dil ka

میری آنکھوں میں امنڈ آیا ہے دریا دل کا
پھر کہیں ٹوٹ گیا ہو نا کنارا دل کا

بس محبت سے روایات ہے کہانی دل کی
چار حرفوں سے عبارت ہے فسانہ دل کا

سانس رکتی ہے تو پھر جان کا خیال آتا ہے
دل دھڑکتا ہے تو لگ جاتا ہے دھڑکا دل کا

اسی کوشش میں بہت عمر گنوا دی میں نے
پھر بھی پورا نا ہوا مجھ سے خسارا دل کا

میری پایاب تمنائیں بتاتی ہیں مجھے
سُوکھ جائے گا کچھ روز میں دریا دل کا

بدلی بدلی سی صدا دیتی ہے دھڑکن دل کی
حجر میں اور ہی ہو جاتا ہے لہجہ دل کا

کیوں نا اے دوست ابھی ترک آ محبت کر لیں
اس سے پہلے کے بدل جائے ارادہ دل کا

فکر دنیا میں میرے دل کو بھلانے والے
تیری دنیا سے زیادہ ہے اثاثہ دل کا

عشق کاٹے گا ابھی اور چاہتیں ساغر
عقل دیکھے گی ابھی اور تماشہ دل کا
مکمل تحریر اور تبصرے >>

Friday 25 May 2012

وہ اوجھل میری نگاہوں سے کہاں رہتا ہے Wo ojhal meri nigahoon sey kahan rehta hai

وہ اوجھل میری نگاہوں سے کہاں رہتا ہے .

وہ اشک بن کر آنکھوں سے رواں رہتا ہے .

کسی لمحے تنہا ہونے نہیں دیتی اسکی یادیں .

میرے آنگن میں میلے کا سامان رہتا ہے .

ہر گھڑی دل کا دریچہ کھلا رکھتے ہیں .

ہر گھڑی اس کے آنے کا گمان رہتا ہے .

لوگ کہتے ہیں زخم بھر جاتے ہیں آخر .

زخم بھر جاتے ہیں لیکن نشان رہتا ہے .

وہ ملے تو اتنا بتا دینا اسکو .

تجھ بن تیرا پیار پریشان رہتا ہے . . . !
مکمل تحریر اور تبصرے >>

ذہنوں میں خیال جل رہے ہیں Zehnoon mein khyaal jal rahey hain

ذہنوں میں خیال جل رہے ہیں
سوچوں کے الاؤ سے لگے ہیں

دنیا کی گرفت میں ہیں سائے
ہم اپنا وجود ڈھونڈتے ہیں

اب بھوک سے کوئی کیا مریگا
منڈی میں ضمیر بک رہے ہیں

ماضی میں تو صرف دل دکھاتے تھے
اس دور میں ذہن بھی دکھتے ہیں

سر کٹاتے تھے کبھی شایان شان
اب لوگ زبان کاٹتے ہیں

ہم کیسے چھڑائیں شب سے دامن
دن نکلا تو سائے چل پڑے ہیں

لاشوں کے ہجوم میں بھی ہنس دیں
اب ایسے بھی حوصلے کسے ہیں
مکمل تحریر اور تبصرے >>

زخم بھر جاتے ہیں Zakham bhar jatey hain

زخم بھر جاتے ہیں

ذہنوں سے اُتَر جاتے ہیں

دن گزرتا ہے تو پھر شب بھی گزر جاتی ہے

پھول جس شاخ سے جھڑ جاتے ہیں

مر جاتے ہیں

چند ہی روز میں

اس شاخ پہ آئندہ کے پھولوں کے نگینے سے

ابھر آتے ہیں !

تیرے جانے سے میری ذات کے اندر

جو خلا گونجتا ہے

اک نا اک دن اسے بھر جانا ہے

اک نا اک روز تجھے

میری پھیلی ہوئی ، ترسی ہوئی بانہوں میں

پلٹ آنا ہے !
مکمل تحریر اور تبصرے >>

Thursday 24 May 2012

انہی خوش گمانیوں میں کہیں جاں سے بھی نہ جاؤ Inhi khush gumanyoon mein kahin jaan say bhi na jao


انہی خوش گمانیوں میں کہیں جاں سے بھی نہ جاؤ
وہ جو چارہ گر نہیں ہے اسے زخم کیوں دکھاؤ
یہ اداسیوں کے موسم یونہی رائیگاں نہ جائیں
کسی یاد کو پکارو کسی درد کو جگاؤ
وہ کہانیاں ادھوری جو نہ ہو سکیں گی پوری
انہیں میں بھی کیوں سناؤں انہیں تم بھی کیوں سناؤ
یہ جدائیوں کے رستے بڑی دور تک گئے ہیں
جو گیا وہ پھر نہ آیا مری بات مان جاؤ
کسی بے وفا کی خاطر یہ جنوں فراز کب تک
جو تمہیں بھلا چکا ہے اسے تم بھی بھول جاؤ
مکمل تحریر اور تبصرے >>

یا رب غمِ ہجراں میں اتنا تو کیا ہوتا Ya rab gham-e-hijran mein itna to kia hota


یا رب غمِ ہجراں میں اتنا تو کیا ہوتا
جو ہاتھ جگر پر ہے وہ دستِ دعا ہوتا
اک عشق کا غم آفت اور اس پہ یہ دل آفت
یا غم نہ دیا ہوتا، یا دل نہ دیا ہوتا
غیروں سے کہا تم نے، غیروں سے سنا تم نے
کچھ ہم سے کہا ہوتا، کچھ ہم سے سنا ہوتا
امید تو بندھ جاتی، تسکین تو ہو جاتی
وعدہ نہ وفا کرتے، وعدہ تو کیا ہوتا
ناکامِ تمنا دل، اس سوچ میں رہتا ہے
یوں ہوتا تو کیا ہوتا، یوں ہوتا تو کیا ہوتا
مکمل تحریر اور تبصرے >>

مرا نہیں تو کسی اور کا بنے تو سہی Mera nahin to kisi owr ka baney to sahi

مرا نہیں تو کسی اور کا بنے تو سہی
کسی بھی طور سے وہ شخص خوش رہے تو سہی
پھر اس کے بعد بچھڑنے ہی کون دے گا اسے 
کہیں دکھائی تو دے وہ کبھی ملے ہی سہی
کہاں کا زعم ترے سامنے انا کیسی
وقار سے ہی جھکے ہم مگر جھکے تو سہی 
جو چپ رہا تو بسا لے گا نفرتیں دل میں
برا بھلا ہی کہے وہ مگر کہے تو سہی
کوئی تو ربط ہو اپنا پرانی قدروں سے 
کسی کتاب کا نسخہ کہیں ملے تو سہی 
دعائے خیر نہ مانگے کوئی کسی کیلئے
کسی کو دیکھ کے لیکن کوئی جلے تو سہی 
جو روشنی نہیں ہوتی نہ ہو بلا سے مگر
سروں سے جبر کا سورج کبھی ڈھلے تو سہی
مکمل تحریر اور تبصرے >>

بے نام سا یہ درد ٹھہر کیوں نہیں جاتا Benaam sa yey dard theher kioon nahin jata


بے نام سا یہ درد ٹھہر کیوں نہیں جاتا
جو بیت گیا ہے وہ گزر کیوں نہیں جاتا
سب کچھ تو ہیں کیا ڈھونڈتی رہتی ہیں نگاہیں
کیا بات ہے میں وقت پہ گھر کیوں نہیں جاتا
وہ ایک ہی چہرہ تو نہیں سارے جہاں میں
...جو دور ہے وہ دل سے اتر کیوں نہیں جاتا
میں اپنی ہی الجھی ہوئی راہوں کا تماشا
جاتے ہیں جدھر سب میں ادھر کیوں نہیں جاتا
وہ نام جو عرصے سے نہ چہرہ نہ بدن ہے
وہ خواب اگر ہے تو بکھر کیوں نہیں جاتا
مکمل تحریر اور تبصرے >>

چھوڑو غم کی بات Chodo ghum ki baat

اب کے دیکھیں راہ تمھاری
بیت چلی ہے رات
چھوڑو
چھوڑو غم کی بات
تھم گئے آنسو
تھک گئیں اکھّیاں
گزر گئی برسات
بیت چلی ہے رات
چھوڑو
چھوڑو غم کی بات
کب سے آس لگی درشن کی
کوئی نہ جانے بات
کوئی نہ جانے بات
بیت چلی ہے رات
چھوڑو غم کی بات
تم آؤ تو من میں اترے
پھولوں کی بارات
بیت چلی ہے رات
اب کیا دیکھیں راہ تمھاری
بیت چلی ہےرات
مکمل تحریر اور تبصرے >>

Tuesday 22 May 2012

بچھڑے ہوئے یاروں کی صدا کیوں نہیں آتی Bichday howey yaroon ki sada kioon nahin aati

بچھڑے ہوئے یاروں کی صدا کیوں نہیں آتی
اب روز زندان سے ہوا کیوں نہیں آتی

تو اب بھی سلامت ہے سفر میں تو اے مسافر
تیرے لئے ہونٹوں پر دعا کیوں نہیں آتی

ایک پیڑ کے سائے سے ہوا پوچھ رہی ہے
اب دشت میں مخلوق خدا کیوں نہیں آتی

چہروں پہ وہ سرسوں کی دھنک کیا ہوئی یارو
ہاتھوں سے وہ خوشبو حنا کیوں نہیں آتی

بستی میں سبھی لوگ سلامت ہیں تو محسن
آواز کوئی اپنے سوا کیوں نہیں آتی . . . . ؟
مکمل تحریر اور تبصرے >>

لے گا اور کیا ظالم امتحان شیشے کا Lay ga owr kia zalim imtehan sheeshey ka

لے گا اور کیا ظالم امتحان شیشے کا
انگلیوں پہ ہیرے کی، ہے نشان شیشے کا

پتھروں سے ڈرتا ہوں، آندھیوں سے ڈرتا ہوں
جب سے میں نے ڈالا ہے اک مکان شیشے کا

بے کراں سمندر میں مختصر جزیرہ ہے
کشتیاں ہیں پتھر کی، بادبان شیشے کا

اعتزاز یہ بستی سائے کو ترستی ہے
سارے چھت ہیں شیشے کے، سائبان شیشے کا
مکمل تحریر اور تبصرے >>

Monday 21 May 2012

تو عکس ہے تو کبھی میری چشم تر میں اتر Neya hai sheher nayey Aasrey talash karoon



نیا ہے شہر ، نئے آسرے تلاش کروں
تو کھو گیا ہے ، کہاں اب تجھے تلاش کروں


تو عکس ہے تو کبھی میری چشم تر میں اُتَر
تیرے لیے میں کہاں آئینے تلاش کروں


غزل کہوں ، کبھی سادہ سے خط لکھوں اس کو
اداس دل کے لیے مشغلے تلاش کروں


میرے وجود سے شاید ملے سراغ اسکا
میں خود کو بھی تیرے واسطے تلاش کروں


میں چپ رہوں ، کبھی بے وجہ ہنس پڑوں محسن
اسے گنوا کے عجب حوصلے تلاش کروں
مکمل تحریر اور تبصرے >>

بچھڑ کے مجھ سے کبھی تو نے Bichad key mujh sey kabhi tu ney yey bhi socha hai

بچھڑ کے مجھ سے کبھی تو نے یہ بھی سوچا ہے
ادھورا چاند بھی کتنا اُداس لگتا ہے

یہ وصل کا لمحہ ہے اسے رائیگاں نا سمجھ
کے اس کے بعد وہی دوریوں کا سہارا ہے

کچھ اور دیر نا جھڑتا اداسیوں کا شجر
کسے خبر تیرے سائے میں کون بیٹھا ہے

یہ رکھ - رکھاؤ محبت سکھا گئی اس کو
وہ روٹھ کر بھی مجھے مسکرا کے ملتا ہے

میں کس طرح تجھے دیکھوں نظر جھجھکتی ہے
تیرا بدن ہے کے یہ آئینوں کا دریا ہے

اسے گنوا کے میں زندہ ہوں اسطرح محسن
کے جیسے تیز ہوا میں چراغ جلتاہے
مکمل تحریر اور تبصرے >>

در قفس سے پرے جب ہوا گزرتی ہے Dar-e-qafas sey parey jab saba guzarti hai



در قفس سے پرے جب صباء گزرتی ہے
کسے خبر کے اسیروں پر کیا گزرتی ہے

تعلق کبھی اس قدر نا ٹوٹے تھے
کے تیری یاد بھی دل سے خفا گزرتی ہے

وہ اب ملے بھی تو ملتا ہے اس طرح جیسے
بجھے چراغوں کو چھو کر ہوا گزرتی ہے

فقیر کب کے گئے جنگلوں کی سمت مگر
گلی سے آج بھی ان کی صدا گزرتی ہے

یہ اہل ہجر کی بستی ہے ، احتیاط سے چل
مصیبتوں کی یہاں انتہا گزرتی ہے

بھنور سے بچ تو گئیں کشتیاں مگر اب کے
دلوں کی خیر کے موج بلا گزرتی ہے

نا پوچھ اپنی انا کی بغاوتیں محسن
در قبول سے بچ کر دعا گزرتی ہے
مکمل تحریر اور تبصرے >>

شریک غم ہوا Shareek-e-gham hoa

شریک غم ہوا جو میرے چوٹ کھانے کے بعد
کھو دیا میں نے اسکو پانے کے بعد

مجھے ناز رہا فقط اس عمل پر سدا
اسنے مجھے اپنا مانا آزمانے کے بعد

سنا ہے تڑپ رہا ہے وہ میری وفا کے لیے
شاید پچھتا رہا ہے مجھے ٹھکرانے کے بعد

آج یوں سر راہ اسے نظر جا ملی محسن
وہ رو دیا مجھ سے نظر ملانے کے بعد

کس کس کو دوں یہ الزام بیوفائی کا
ہر کوئی چھوڑ گیا مجھے اپنانے کے بعد
مکمل تحریر اور تبصرے >>

عجیب خوف مسلط تھا کل حویلی پر Ajeeb khowf musalat tha kal khawaili par


عجیب خوف مسلط تھا کل حویلی پر

ہوا چراغ جلاتی رہی ہتھیلی پر

سنے گا کون مگر احتجاج خوشبو کا

کے سانپ زہر اُگلتا رہا چنبیلی پر

شب فراق میری آنکھ کو تھکن سے بچا

کے نیند وار نا کر دے تیری سہیلی پر

وہ بے وفا تھا تو پھر اتنا مہربان کیوں تھا

بچھڑ کے اس سے میں سوچوں اسی پہیلی پر

جلا نا گھر کا اندھیرا چراغ سے محسن

ستم نا کر یوں میری جان ! اپنے بیلی پر .
مکمل تحریر اور تبصرے >>

ہر سمت حجر کے طوفان ہیں محسن Har simat hijer key toofan hain muhsin

ہر سمت غم حجر کے طوفان ہیں محسن
مت پوچھ کے ہم کتنے پریشان ہیں محسن

ہر چہرہ نظر آتا ہے تصویر کی صورت
ہم شہر کے لوگوں سے بھی انجان ہیں محسن

جس شہر محبت نے ہمیں لوٹ لیا ہے
اس شہر سے اب کوچ کے امکان ہیں محسن

کشتی ابھی امید کی ڈوبی تو نہیں ہے
پھر کیوں تیری آنکھوں میں یہ طوفان ہیں محسن .
مکمل تحریر اور تبصرے >>

مرحلے شوق کے Marhalay showq key

مرحلے شوق کے دشوار ہوا کرتے ہیں
سائے بھی راہ کی دیوار ہوا کرتے ہیں

وہ جو سچ بولتے رہنے کی قسم کھاتے ہیں
وہ عدالت میں گنہگار ہوا کرتے ہیں

صرف ہاتھوں کو نا دیکھو کبھی آنکھیں بھی پڑھو
کچھ سوالی بڑے خودار ہوا کرتے ہیں

وہ جو پتھر یونہی رستے میں پڑے رہتے ہیں
ان کے سینے میں بھی شاہکا ر ہوا کرتے ہیں

صبح کی پہلی کرن جن کو رلا دیتی ہے
وہ ستاروں کے ازادار ہوا کرتے ہیں

جن کی آنکھوں میں صدا پیار کے صحرا چمکیں
در حقیقت وہی فنکار ہوا کرتے ہیں

شرم آتی ہے دشمن کسے سمجھیں محسن
دشمنی کے بھی کچھ معیار ہوا کرتے ہیں . . . !
مکمل تحریر اور تبصرے >>

ہم انا مست تہی دست بہت ہیں محسن Aaj gum sum hai jo barbad jazeeroon jaisi

آج گم سم ہے جو برباد جزیروں جیسی ،
اس کی آنکھوں میں چمک تھی کبھی ہیروں جیسی

کتنے مغرور پہاڑوں کے بدن چاک ہوئے ،
تیز کرنوں کی جو بارش ہوئی تیروں جیسی

جس کی یادوں سے خیالوں کے خزانے دیکھے ،
اسکی صورت بھی لگی آج فقیروں جیسی

چاہتیں لب پہ مچلتی ہوئی لڑکی کی طرح ،
حسرتیں آنکھ میں زندان کے اسیروں جیسی

ہم انا مست ، تہی دست بہت ہیں محسن ،
یہ الگ بات کے عادت ہے امیروں جیسی . . . !
مکمل تحریر اور تبصرے >>

بہار رَت میں اجاڑ راستے Bahar rut mein ujaad rastey

بہار رُت میں اجاڑ راستے ،
تکا کرو گے تو رو پڑو گے …

کسی سے ملنے کو جب بھی محسن ،
سجا کرو گے تو رو پڑو گے … .

تمھارے وعدوں نے یار مجھ کو ،
تباہ کیا ہے کچھ اس طرح سے …

کے زندگی میں جو پھر کسی سے ،
دغا کرو گے تو رو پڑو گے …

میں جانتا ہوں میری محبت ،
اجاڑ دے گی تمہیں بھی ایسی …

کے چاند راتوں میں اب کسی سے ،
ملا کرو گے تو رو پڑو گے …

برستی بارش میں یاد رکھنا ،
تمہیں ستائیں گی میری آنکھیں …

کسی ولی کے مزار پر جب
دعا کرو گے تو رو پڑو گے . . . !
مکمل تحریر اور تبصرے >>

Sunday 20 May 2012

چلو محسن محبت کی نئی بنیاد رکھتے ہیں Chalo mohsin mohabbat ki nai bunyaad rakhtey hain

چلو محسن محبت کی نئی بنیاد رکھتے ہیں ،
خود پابند رہتے ہے اسے آزاد رکھتے ہیں ،

ہمارے خون میں رب نے یہی تاثیر رکھی ہے ،
برائی بھول جاتے ہے اچھائی یاد رکھتے ہیں ،

محبت میں کہیں ہم سے گستاخی نا ہو جائے ،
ہم اپنا ہر قدم اس کے قدم کے بعد رکھتے ہیں . . .
مکمل تحریر اور تبصرے >>

دعاؤں میں کسی کا ہر گھڑی ہونا محبت ہے Duaoon mein kisi ka har ghadi hona mohabbat hai


دعاؤں میں کسی کا ہر گھڑی ہونا محبت ہے

کسی کی یاد کی چادر تلے سونا محبت ہے

کبھی رنگین راتوں میں اشک برسانا محبت ہے

کبھی بھلائے ہوئے کا لوٹ کر آنا محبت ہے

کسی کا خون بن کے جسم میں بہنا محبت ہے

اور اس جیون کا سب سے قیمتی گہنا . . .

محبت ہے
مکمل تحریر اور تبصرے >>

بات ہی عجب تھی Baat hi ajab thi

بات ہی عجب سی تھی
روح اگر نا دیتا تو
سانس دینی پڑتی تھی
دل اگر نا دیتا تو
جان دیتی دینی پڑتی تھی
پھر بتاؤ کیا کرتا ؟
روح کو بچانے میں
سانس وار دی میں نے
اور کیا کہوں دل کی
جان ہار دی میں نے !
مکمل تحریر اور تبصرے >>

Friday 18 May 2012

میں نے اس طور سے تجھے چاہا Mein ney is tour sey chaha tujhey aksar janan

میں نے اس طور سے تجھے چاہا اکثر
جیسے مہتاب کو بے انت سمندر چاہے
جیسے سورج کی کرن سیپ کے دل میں اترے
جیسے خوشبو کو ہوا رنگ سے ہٹ کر چاھے
جیسے پتھر کے کلیجے سے کرن پھوٹی ہے
جیسے غنچے کھلے موسم سے حنا مانگتے ہیں
جیسے خوابوں میں خیالوں کی کماں ٹوٹتی ہے
جیسے بارش کی دعا آبلہ پا مانگتے ہیں
میرا ہر خواب میرے سچ کی گواہی دے گا
وسعت  دید نے تجھ سے تیری کشش کی ہے
میری سوچوں میں کبھی دیکھ سراپا اپنا
میں نے دنیا سے الگ تیری پرستش کی ہے . .
مکمل تحریر اور تبصرے >>

سنو تم نے کہا تھا نا Suno tum ney kaha tha nan

سنو تم نے کہا تھا نا ! !
مجھے جذبہ محبت سے کبھی جو تم پکارو گی
میں اس دن لوٹ آؤں گا ! !
تو دیکھو نا ! !
کئی لمحوں
کئی سالوں
کئی صدیوں
سے تیرا رستہ تکتی
یہ میری منتظر آنکھیں
میرے دل کی یہ دھڑکن اور سانسیں
بس تمہارا نام لیتی ہیں
وہی اک ورد کرتی ہیں
میری آنکھوں کے ساحل پر
تیری خواہش کی موجوں نے
بڑی ہلچل مچائی ہے
تیری تصویر ، سوکھے پھول اور تحفے !
تیری چاہت کی خوشبو میں
ابھی تک سانس لیتے ہیں
وہ سب رستے کے جن پر تم ہمارے ساتھ چلتے تھے
وہ سب رستے جہاں تیری ہنسی کے پھول کھلتے تھے
جہاں پیڑوں کی شاخوں پر
ہم اپنا نام لکھتے تھے
اُداسی سے بھرے منظر
تمھارے لوٹ کر آنے کی امیدیں دلاتے ہیں
سنو کچھ بھی نہیں بدلہ
تمھارے پاؤں کی آواز سننے کی
میرے کمرے کی بے ترتیب چیزیں منتظر ہیں
سنو ! ! !
تکمیل پاتی چاہتوں کو یوں ادھورہ تو نہیں چھوڑو
مجھے مت آزماؤ تم
چلو اب لوٹ آؤ تم . . . !
مکمل تحریر اور تبصرے >>

میں نے دیکھا تھا ان دنوں مین اسے Mein ney daikha tha un dinoon mein usey

میں نے دیکھا تھا ان دنوں میں اُسے …
جب وہ کھلتے گلاب جیسا تھا … .
اس کی پلکوں سے نیند چھنٹتی تھی …
اس کا لہجہ شراب جیسا تھا …
اس کی زلفوں سے بھیگتی تھی گھٹا …
اس کا رخ مہتاب جیسا تھا
لوگ پڑتے تھے خد و خال اس کے
وہ ادب کی کتاب جیسا تھا …
بولتا تھا زبان خوشبو کی …
لوگ سنتے تھے دھڑکنوں میں اُسے …
میں نے دیکھا تھا ان دنوں میں اُسے
ساری آنکھیں تھیں آئینے اس کے . .
سارے چہروں میں انتخاب تھا وہ !
سب سے گُھل مل کے اجنبی رہنا
ایک دریا نما سراب تھا وہ …
خواب یہ ہے وہ حقیقت تھا
یہ حقیقت ہی کوئی خواب تھا وہ …
دل کی دھرتی پے آسْمان کی طرح …
صورت سایہ و صحاب تھا وہ . .
اپنی نیندیں اس کی نظر ہوئیں
میں نے پایا تھا رتجگوں میں اسے
میں نا دیکھا تھا ان دنوں میں اسے
جب وہ ہنس ہنس کے بات کرتا تھا
دل کے خیمے میں رات کرتا تھا
رنگ پڑتے تھے آنچلوں میں اُسے
میں نے دیکھا ہے ان دنوں میں اسے
یہ مگر دیر کی کہانی ہے
یہ مگر دور کا فسانہ ہے
اس کے میرے ملاپ میں حائل
اب تو صدیوں بھرا زمانہ ہے
اب یوں ہی کے حل اپنا بھی
داشتہ ہجراں کی شام جیسا ہے
کیا خبر ان دنوں من وہ کیسا ہے
میں نے دیکھا تھا ان دنوں میں اُسے
جب وہ کھلتے گلاب جیسا تھا
میں نے دیکھا تھا ان دنوں میں اُسے . . . !
مکمل تحریر اور تبصرے >>

دل بھی پریشاں ہے سرابوں سے نکل کر Seeney sey lipat ja merey khwaboon sey nikal kar

سینے سے لپٹ جا میرے خوابوں سے نکل کر
اک بار ملیں ہم بھی حجابوں سے نکل کر

کرنوں کی طرح بانٹ زمانے میں اجالا
خوشبو کی طرح پھیل گلابوں سے نکل کر

مے خانوں کی صورت ہیں تیری جھیل سی آنکھیں
ڈوبے ہیں جہاں لوگ شرابوں سے نکل کر

مجھ کو بھی گوارہ نہیں اب تجھ سے بچھڑنا
دل بھی پریشان سرابوں سے نکل کر

رہنے دو ابھی گردش دوراں میں ہے محسن
بہلے گی طبیعت نئے عذابوں سے نکل کر . . . !
مکمل تحریر اور تبصرے >>

محبت جاگ جاتی ہے Mohabbat jaag jati hai

سنو اے چاند سی لڑکی
ابھی تم کہہ رہی تھی نا
تمہیں مجھ سے محبت ہو نہیں سکتی
چلو مانا کے یہ سچ ہے
مگر اے چاند سی لڑکی
مجھے اتنا بتاؤ تم
کے جب موسم بدلتے ہیں
گلوں میں رنگ بھرتے ہیں
تو پھر کیوں مضطرب ہو کر
اکیلے پن سے گھبرا کر
ہوا کو راز دیتی ہو
مجھے آواز دیتی ہو
سنو اے چاند سی لڑکی
تمھارے سامنے کوئی میرا جب نام لیتا ہے
تو پھر کیوں چونک جاتی ہو
چلو مانا تمہیں مجھ سے محبت ہو نہیں سکتی
مگر اتنا سمجھ لو تم
جہاں چاہت نہیں ہوتی
وہاں نفرت کے ہونے کا کوئی امکان نہیں ہوتا
میرا دوا ہے چاہت میں
جہاں نفرت نہیں ہوتی
وہاں اکسر یہ دیکھا ہے
اگر کچھ وقت کٹ جائے
سمے کی دھول جھٹ جائے
تو وحشت بھاگ جاتی ہے
محبت جاگ جاتی ہے
مکمل تحریر اور تبصرے >>

محبت تول دی اس نے Mohabbat tol di us ney

میرے اصرار پر آخر ،
بہت مجبور ہو کر آج .
مجھے اپنی نگاہوں کی ،
اداسی سونپ دی اس نے .
بہت بے بس ،
بہت تنہا ،
بہت بکھری محبت کی .
حقیقت کھول دی اس نے .
خلش جو اس کے دل میں تھی ،
وہ اب میری امانت ہے .
شکستہ لہجے کی جتنی ،
تھکن تھی ،
بول دی اس نے .
میری خاطر مجھے اپنی ،
محبت کہہ نہیں پائی .
مگر آج اپنے آنسوؤں سے ،
محبت تول دی اس نے .
حقیقت کھول دی اس نے .
مکمل تحریر اور تبصرے >>

تم مشرق میں مغرب ہوں Tum mashraq mein maghrib hoon

چلو یہ فرض کرتے ہیں
کے تم مشرقِ ، میں مغرب ہوں

چلو یہ مان لیتے ہیں
بڑا لمبا سفر ہے یہ !

مگر یہ بھی حقیقت ہے تمہاری ذات کا سورج
بہت سا رستہ چل کر ، میری ہستی میں ڈوبے گا ! !
مکمل تحریر اور تبصرے >>

تم دوسری ہو Tum doosri ho

سنا ہے
زمین پر وہی لوگ ملتے ہیں …
جن کو
کبھی آسمانوں کے اس پار
راہوں کے میلے میں
ایک دوسرے کی محبت ملی ہو
مگر تم . . .
کے میرے لیے نفرتوں کے اندھیرے میں
ہنستی ہوئی روشنی ہو
لہو میں رچی
رگوں میں بسی ہو
ہمیشہ سکوت شب غم میں آواز جان بن کے
چاروں طرف گونجتی ہو
اگر آسمان کے اس پار
راہوں کے میلے میں بھی مل چکی ہو
تو پھر اس زمین پر
میری چاہتوں کے کھلے موسموں سے گریزاں
میری دھوپ چھاؤں سے
کیوں اجنبی ہو . . ؟ ؟ ؟
کتابوں میں لکھی ہوئی
اور کانوں سنی
ساری باتیں غلط ہیں . . . ؟ ؟ ؟
کے تم دوسری ہو . . . ؟ ؟
مکمل تحریر اور تبصرے >>

چند لمحوں کے لئے اپنی نظر دے جانا Tum na Aao mujhey meri khabar day jana

تم نا آؤ مجھے میری خبر دے جانا
ڈھونڈھ کر مجھ کو کہیں سے میرے گھر دے جانا

بے وفائی کا تمہاری مجھے دینا ہے جواب
چند لمحوں کے لیے اپنی نظر دے جانا

ان اندھیروں میں مجھے بے تو سفر کرنا ہے
میری راتوں کو بے امید سحر دے جانا

پار اُتَرْنا ہے مجھے ٹوٹی ہوئے کشتی پر
تم اگر چاہو تو دریا کو بھنور دے جانا

منزلوں کا تو کوئی شوق نہیں ہے مجھ کو
چلتے رہنے کے لیے رہگزر دے جانا . . . !
مکمل تحریر اور تبصرے >>

پر آسائش غم کا شکریہ Pur aasaiash gham ka shukria

پرآسائش غم کا شکریہ ، کیا تجھے آگہی نہیں
تیرے بغیر زندگی درد ہے ، زندگی نہیں

دور تھا کے گزر گیا ، نشہ تھا ایک اُتَر گیا
اب وہ مقام ہے جہاں شکوہ بیرخی نہیں

تیرے سوا کروں پسند کیا تیری کائنات میں
دونوں جہاں کی نعمتیں ، قیمت بندگی نہیں

لاکھ زمانہ ظلم ڈھائے ، وقت نا وہ خدا دکھائے
جب مجھے ہو یقین کے تو حاصل زندگی نہیں

دل کی شگفتگی کے ساتھ راحت مےکدہ گئی
فرصت مہ کشی تو ہے ، حسرت مہ کشی گئی

زخم پے زخم کھاکے جی ، اپنے لہو کے گھونٹ پی
آہ نا کر ، لبوں کو سی ، عشق ہے دل لگی نہیں

دیکھ کے خشک و زرد پھول ، دل ہے کچھ اس طرح ملول
جیسے تیری خزاں کے بعد ، دور بہار ہی نہیں
مکمل تحریر اور تبصرے >>

یوں نا مل مجھ سے خفا ہو جیسے Yun nan mil mujh sey khafa ho jaisey

یوں نا مل مجھ سے خفا ہو جیسے
ساتھ چل موج صباء ہو جیسے

لوگ یوں دیکھ کر ہنس دیتے ہیں
تو مجھے بھول گیا ہو جیسے

عشق کو شرک کی حد تک نا بڑھا
یوں نا مل ہم سے خدا ہو جیسے

موت بھی آئی تو اس ناز کے ساتھ
مجھ پے احسان کیا ہو جیسے

ایسے انجان بنے بیٹھے ہو
تم کو کچھ بھی نا پتہ ہو جیسے

ہچکیاں رات کو آتی ہی رہیں
تو نے پھر یاد کیا ہو جیسے

زندگی بیت رہی ہے " دانش "
ایک بے جرم سزا ہو جیسے
مکمل تحریر اور تبصرے >>

اب کے یوں دل کو سزا دی ہم نے Ab key yun dil ko saza di hum ney


اب کے یوں دل کو سزا دی ہم نے
اس کی ہر بات بھلا دی ہم نے
ایک ، ایک پھول بہت یاد آیا
شاخ گل جب وہ جلا دی ہم نے
آج تک جس پے وہ شرماتے ہیں
بات وہ کب کی بھلا دی ہم نے
شہر جہاں راکھ سے آباد ہوا
آگ جب دل کی بجھا دی ہم نے
آج پھر یاد بہت آیا وہ
آج پھر اس کو دعا دی ہم نے
کوئی تو بات ہے اس میں فیض
ہر خوشی جس پے لٹا دی ہم نے
مکمل تحریر اور تبصرے >>

زندگی کو نہ بنا لیں وہ سزا میرے بعد Zindgi ko nan bana lein wo saza merey baad

زندگی کو نہ بنا لیں وہ سزا میرے بعد
حوصلہ دینا اُنہیں میرے خدا میرے بعد
ہاتھ اُٹھتے ھوئے اُن کے نہ کوئی دیکھے گا
کس کے آنے کی کریں گے وہ دُعا میرے بعد
کون گھونگھٹ کو اُٹھا ئے گا ستم گر کہ کر
اور پھر کس سے کریں گے وہ حیاء میرے بعد
پھر زمانے میںمحبت کی نہ پُر سش ھو گی
روئے گی سسکیاں لے کے وفا میرے بعد
وہ جو کہتا تھا کہ ناصر کہ لیے جیتا ھوں
اُس کا کیا جانیے کیا حال ھوا میرے بعد
مکمل تحریر اور تبصرے >>

آ کے سجادہ نشیں قیس ہوا میرے بعد Aa key sajaada nasheen qais hoa merey baad



آ کے سجّادہ نشیں قیس ہوا میرے بعد
نہ رہی دشت میں خالی کوئی جا میرے بعد

چاک کرنا ہے اسی غم سے گریبانِ کفن
کون کھولے گا ترے بندِ قبا میرے بعد

وہ ہوا خواہِ چمن ہوں کہ چمن میں ہر صبح
پہلے میں جاتا تھا اور بادِ صبا میرے بعد

منہ پہ رکھ دامنِ گل روئیں گے مُرغانِ چمن
ہر روِش خاک اڑائے گی صبا میرے بعد

تیز رکھنا سرِ ہر خار کو اے دشتِ جنوں
شاید آ جائے کوئی آبلہ پا میرے بعد

تہِ شمشیر یہی سوچ ہے مقتل میں مجھے
دیکھیے اب کسے لاتی ہے قضا میرے بعد

بعد مرنے کے مری قبر پہ آیا وہ میر
یاد آئی مرے عیسٰی کو دوا میرے بعد

مکمل تحریر اور تبصرے >>