منظر گلزارِ ھستی خار ہے تیرے بغیر
رونق بزم جہاں آزار ہے تیرے بغیر
کھویا کھویا اور معطل سا ہے نظمِ شش جہات
سہمی سہمی وقت کی رفتار ہے تیرے بغیر
بزمِ امکانِ جہاں کو اجنبی پاتا ہوں میں
ساری دنیا محفلِ اُغیار ہے تیرے بغیر
جستجووذوق تک تھی شوق کی سب ترک و تاز
ھستی بے مدعا بے کار ہے تیرے بغیر
کسقدر جاں بحش تھا میرے لئے تیرا خیال
کسقدر دل کے لئے آزار ہے تیرے بغیر
وصل۔فرقت۔سَر خوشی۔غم کس کا میں سودا کروں
زندگی بے زارِ کاروبار ہے تیرے بغیر
اک تبسم ہی نہیں ہونٹوں کی صحبت سے نفُور
اشکِ بے مایہ دُرِ شہوار ہے تیرے بغیر
No comments:
Post a Comment